Takut ka king Dios
at dinan yeng ligaya

Daniela (12): Eku bitasang mekapagaral, papagaral daku reng pengari ku keng bale at masaya ku.

Daniel (43) Meyari ku keng mechanical engineering keng Switzerland, pero uling keng crisis a pupuntalan ning yatu, metung na kung mananaman saging keng Brazil

Betsy (42): At metung kung kristiyanu at masayang asawa at ima. Metung a bersikulo na maka-epekto kanaku: Nanu ing kwenta ning pamanyaup king mabilug a yatu at mawala ing kaladua mu? O nanung ibie na ning tau para king kaladua na?

Daniel: By the way: ali ku miyembru ning nanu mang pisamban, me-exclude ku uling masyadu kung independent. Pigpilitan kung tukian ing Dios a alang pamagdependi kareng organisasyun da reng tau.

Balu mu, ing Dios a tinanggi mu ali ya ing tune Dios, nune metung yang e masanting a gewa nang caricature. I Satanas, ing diablo, a misan metung yang angel ning Dios dapot tinabi ne banua, at ya ing mag-ari king yatung iti, ya ing maglarawan king Dios antimong alang patugut at malupit, a sasabing: mamintu ka kanaku o i-ihaw da ka king api. Ing kalaban ning kayapan ya ing migpintura kaniting larawan. Mali ya. Para i-correct ing distortion ayni, tinubud ne ning Dios ing Anak na, para ipakit na keng yatu nung nanu ya. I Kristo pepasiguradu na: Ing menakit kanaku ikit ne ing Ibpa King pamaglarawan na king misyun na keti king yatu, sinabi nang Jesus: “Ing Espiritu ning Ginu atyu kanaku, uling linian na ku ban ipanaral ku la ring pakakalulu, tinubud na ku ban pakayapan la ring malungkut a pusu. bang ipasiag king pangakabus da la ring bihag, at dinan lang panimanman ding bulag, at pangakabus da la ring mayayalipit.” Ita ing obra na. Libut-libut yang gagawang mayap, pakayapan na la ding asakitan nang Satanas. Ing Dios kaluguran ne ing yatu inya sa’t bisa yang mikawani king bugtung nang Anak para king metung a mapanganib a misyun: mabye ya keti king yatu kilub ning 30 banua, a maki panganib a i Jesus mamantsa ya naman king kasalanan, at mawala ya kapilan man. Iti ngan ban nung mipatupad ing planu mika bie tamung alang angga.

Daniel: Inyang 17 ku, sinabi ku keng sarili ku: Maniwala ku na atin ya ing Dios at lugud ya. Pero dakal a relihiyon keng yatu maniwala la keng metung a klasing dios. Malyari ku bang magtiwala na ing bibliya amanu ne ning apung ginu? Malyari ku bang italakad ing bie ku keng pundasyun a ini? Kanita ku adiskubri ing mapilan a ebidensya a magpakit king ing Biblia libru ne ning Dios:

> Metupad la reng propesiya: Ing kapitulu tungkul keng estatua nang Daniel 2 inula na ing pamanuki-tuki da reng imperyu at linawe na la, bayu la pa mika-imperyu. Ikumpara me king metung a encyclopedia o history book, at akit mu king ing Biblia inula na ing pangatalakad at pangabagsak da ring imperyu ning Persia, Grecia at RomaAt inula na naman nung kapilan ya datang ing Mesias. Iti metupad ya kang Jesu-Cristo.

> Ing arkeolohiya pepatutuan na ing katutwan ning bibliya.

— Lulung ning Dagat a Mete, a misulat bayu ya i Cristo. Ila ring magkumpirma king katutwan at pamisanmetung ning Hebreong Biblia kilub ning libu-libung banua. Ing Isaiah scroll ibat keng adwang libung banua na ing milabas parehu ya keng atin tamu keng bibliya ngeni.

— Dakal a siyentipiku ing maniwala na i David metung yang mitolohiya, na e kapilan man mibye-bye. Anggang ing “Stele ning Tel Dan” meyakit ya, ibat ya keng 9th century BC, ampo mebanggit ya ing “House of David”

— Ing batung Moabita “Mesha Stele”, manibat 840 BC, a ikit king Jordan. Ibalita na ing tagumpe ning ari ning Moab laban kareng Israelita, a magpatutu king biblical a kwentu a mayayakit king 2 Ari 3. Iti mu rin ing magpatuki king Dios ning Israel a i Jehova o Yau, 840 bayu ya i Cristo.

— At malyari ku lang ipresenta ding aliwa, antimo ing batu nang Pilato, ding listahan da ring rasyon ning Babilonia a mabanggit king lagyu ning ari ning Israel, ing kuta nang David at ing tunnel nang Hezekia.

> Ing unit ning text. Sinulat de ring maigit apat apulung miyayaliwang tau, karing dakal a miyayaliwang lugal, at king miyayaliwang panaun, ing balang dake miyabe ya karing aliwa. Mekad menakit na kayung Bibliya a maki makanyan a cross-references. Ing Biblia metung yang yunit, ing sabla makayagpang, lalu na ing pamagaral king kapakumbaban at panalangin.

> Ing matas a pamagaral ning bibliya: Deng taung e mayap e la malyaring sinulat keng bibliya, uling paparusan nala. Matas, marangal at demanding ing standard mu. At kabang panaun, e na sasalikut ing kamalian da ring bayani na. nung pabula ya para mika talatuki, parangalan na la reng tauan na. Pero ali, prangka yang papakit ing kamalian da reng peka-gagalangan a patriarka, propeta at ari.

> Ing impluwensya mu. Nung ing Biblia metung yang libru ning tau, e na sana agawa ing agawa na king yatu kilub ning dakal a siglu. Atin ya at atin ya pang kapakibatan, makapaulu at makapagbayu a impluwensya. Ding Judio, maging tapat tamu, tuturing dong masagana uling tutuki la karing kautusan ning Dios. Ing Albugan ngeni meunlad ya uling ding bangsa na tinggap da la ring prinsipyung bibliku ning hustisya at pamagsipag.

> Ing pamipatutu nang Jesu-Cristo: Parati na lang sinipi at papatutuan ding Kasulatan. “E ya malyaring mabigu ing kasulatan” ngana. Agyang ing Genesis tinuring neng tune istoria, na lelangan ne ning Dios ing yatu kilub ning anam a aldo, ing albug, etc. Pepatnubayan ne ing bie na kapamilatan da ring turu ning Matuang Tipan.

> At katataulian, ing testimonya ning karanasan: Subukan mung maging Kristiyanu, at akit mu ing upaya ning Amanu ning Dios!

Balu mu, masaya kami, ing benepisyu ning pamaging metung a kristiyanu migit ya keng posibling pangawala. Aranasan mu rin ing pamaglakbe kayabe ning Miglalang. Ngana: Liguran da ka king alang anggang lugud, inya inakit da ka king ganaka. Lumapit kayu kanaku, ikayung sablang mapagal at mabayat, at dinan da kayung kapaynawan (Mateo 11:28)

Igalang taya iting Dios ning lugud, a mag-alay king kusang lub a kapamintuan, at ibat king pusu. Kaybat, ing ebanghelyu ya ing upaya ning Dios para king kaligtasan. Nanu ing buri nang iligtas ning Dios kekatamu? Karing kekatang kasalanan. Karing sablang tatanggap kaya, dininan nang Kristo ing upaya ban maging Anak ning Dios at tuknang king pamikasala. Ngeni at ngeni, nung maniwala ka. Oneng nanu ing kasalanan? Sabi na ning amanu ning Guinu na ing kasalanan ya pin ing pamaglabag king batas, ini mu ing kabaldugan na ning Biblia kekatamu. Ing kasalanan metung yang desisyun a lalabag keng batas. Ing batas ning Dios makasentru ya kareng apulung utus, deng mumunang apat papakit da nung makananu tamung papakit ing lugud tamu king Dios, at ing kaduang lamesa, ing lugud kareng kapara tamung tau. Kanita, ing libru ning Exodo ampo ing Levitico magpresenta lang complementary instructions, a maki kaugnayan keng aldo-aldong bie ampo kalusugan. Matula ing tuki king kaburyan na ning kekatamung Dios, uling matulid la at mayap ding keang kautusan.

kalupa na ning trapiku: Deng patakaran ampo pamagbawal magsilbi la keng kekatamung kaligtasan. Ing tuntunan na ing saken dapat yang parating maglakbe keng bandang ita ning highway, at tuknang keng red lights, ali ya kapritsu ning gobernador, nune conventions na magsilbi keng ikakayap tamu. Makanyan mu naman, ding kautusan ning Ginu makatuliran la at makabaldugan.

Oneng e tamu malyaring mamintu kapamilatan ning sikanan tamu. Ita kalupa na ning buri mung dumalan keng Atlantic Ocean keng rowboat. kailangan tamung paburen ing sarili tamung mate, at paburen tamung mabye ya i kristo at mamintu kanaku. Ngeni wa, ini ing paburen tamung ing Dios ing mangisnawa kekatamu, at isundu ing kekatamung bangka. Pitakutan ye ing Dios at dinan yeng dangalan. Galangan ye ing Ginu, uling dinatang na ing oras ning pamanukum na. Malapit neng mibalik i Jesus, ing panyatang na maging king upaya at maragul a ligaya, at akit de ring sablang mata. Nganang Jesus: nung makananu ing kildap manibatan king aslagan at lalabas king albugan, makanyan mu naman ing panyatang ning Anak ning Tau. Ing kekatamung oportunidad para maging ustu yapin ing bie tamu, kaybat datang ing pamanukum.

Ing pulis a mamye ticket keka keng pamagmaneho keng maling dalan keraklan ala yang personal a mua kaku. E na papalwal ing mua na kanaku, nune papatupad ne ing batas. Makanyan mu naman, ing Dios kaluguran no ngan ding sablang lelangan na. Potang ilako na ing kasalanan king yatu, kailangan na namang ilako ing sablang makadikit king kasalanan.

Mate ya ing kaladuang mikasala at e bisang magligtas. Ing kasalanan ya ing pamaglabag king kautusan. Labag iti king metung karing kautusan ning Ginu. E ya dinatang i Jesus ban alilan ing batas, tinupad ya. I Jesus linabag ya kareng patakaran a gewa da reng tau, pero ali ing amanu ning Dios. Ngana: angga king ing banua at ing yatu e la milabas, metung mang tultu o metung mang letra alang milabas king Kautusan, king kapupusan ning bie na sinabi na: Takut ka king Dios at tuparan mu la ding utus na, uling iti ya ing katungkulan ning balang tau. Uling atulan na ning Dios ing anggang dapat, at ing anggang makasalikut, maguing mayap man o marawak. (Eclesiastes 12:13)

Atin gera ampo balita ning gera, ing bie sobrang mababating. Potang mako tamu king bie ayni, nanu pang tala ing lakwan tamu? Deng mete e la mika kaduang pagkakataun. Ngana pin ning amanu ning Guinu: ding mabie balu da na ing mate la, dapot ding mete ala lang balu. King kutkutan, nung nukarin ka munta, alang obra, alang planu, alang beluan, alang kabiasnan nanu man. Inya ngeni, kabang mabie kayu, luguran ye at igalang ing Dios at dinan yeng dangalan, uling megumpisa ne ing oras ning pamanukum.

Samban ye itang linalang king banua at king yatu at king dagat at karing sibul ning danum. Iti paganaka na kekatamu ing kapat a utus: Ganakan me ing aldo ning sabbath ban ipagbanal me. Magobra ka kilub ning anam a aldo at daptan mu ing sablang obra mu, oneng ing kapitung aldo ya ing kapaynawan para kang Yau a kekang Dios. E ka gagawang nanu mang obra karin… Uling kilub ning anam a aldo gewa neng Yau ing banua at ing yatu, ing dagat at ing sablang atyu kareti, at king kapitung aldo migpainawa ya, inya binendisyunan ne at pepabanalan Yau.

I Satanas, ing diablo, metung yang anghel ning sala banua, pero ing kayabangan ampo ing inggit ing meging sangkan ning pusu na, at megumpisa yang pikasaman ing kautusan ning Dios, uling atin yang pamagkasakit kareng matulid nang kautusan. Sinabi na king e ra kailangan ding anghel iting batas. At inimpluwensyan ne ing metung a tutung mayupaya king Roma ban ibayu ne ing metung karing kautusan ning Dios, king paralan ning pamag-provoke. Ding kristiyanu anggang kapat a siglu pagmasusian de ing aldo ning sabbath, ing aldo da reng judyu. I Jesus mismu sinabi na: manalangin kayu ban e malyari ing pamaglupig king Aldo ning Sabbath.

Aisip mu ba nung keng kumpanya nung nukarin ka magobra bigla lang mika grupu da reng empleyadu na buri dang mika libre ing mabilug a Miyerkules? E wari maging hamon ita keng awtoridad da reng direktor?

Inya pin, inutus na ning papa na ing aldo ning kapaynawan mibayu ya manibat king Sabadu, ing kapitung aldo, papunta king Domingo, ing mumunang aldo ning paruminggu. At ginamit nang sangkan ing katutwan a i Jesus sinubling mebie king mumunang aldo. Dagdag pa, para kareng Katoliku kanitang panaun a ita, ing Sabbath pepaganaka na karela ing Judio, a pikakasaman da. King metung a panaun, parehu lang mitagan bilang santo ing Sabadu at Domingo. Pero keng milabas a banua, ing sabado metung yang e masanting a pisasabyan, uling metung yang aldo ning pamagbawal, at ing domingo metung yang aldo ning saya, inya ing mumunang aldo meging sikat ya. Iti milyari kanitang kapat a siglu. Melako ya naman ing kaduang utus ning katesismu, a sasabing e dapat gawang larawan. At para manatili ing masanting a bilang da reng apulung utus, ing papa piparti ne ing kapulung utus keng adwa. Oneng ganap ya ing batas ning Ginu, ngana ning Salmo 19, nanu mang pamagbayu metung yang pamaglapastangan king banua. Ing kalikasan mismu ing makaramdam king epektu ning pamaglabag king kautusan at karing taung sisira king yatu, nganang Isaias: Ing yatu maglungkut ya at malaso; ing yatu mangaina ya at malaso; papahinaan da la ring pekamatas a tau king yatu. Ing tutu na niti, mekontamina ya ing bansa uli da ring manuknangan karin, uling lalabag la karing kautusan, lilipan da la ring tuntunan at lalabag la king alang anggang kasunduan.

Ing kapitung aldo, Sabado, ing aldo ning Ginu, ing pekamasanting a aldo ning paruminggu, ing aldo ning pamilya. Agyang milako tamu obra, iti ing magpakit king kaluguran ta ya ing Apung Ginu king mabilug tamung pusu. Bisa ka bang mawalan obra para iligtas ing bie ning taung kaluguran mu keti king yatu?

Ngana ning Miglalang kekatamu: Agyang kalinguan ne ning metung a ima ing anak a pakamalan na, e da ka kalingwan (Isaias 49:15). Makananu kung e luguran ing metung a Dios a makanyan?

Potang sumuku ka king lugud a ita, potang ing kekang “sarili” mesira ya bilang pakibat king lugud a ita, at magumpisa kang mamye kusang lub a kapamintuan, malyari kang malinis karing kekang kasalanan, mabinyag kapamilatan ning pamaglub king danum. Iti sisimbulu ne ing kamatayan king yatu, at ing pamananggap king bie a babie ning Ibpa. Lelangan na la deting panibatan ning danum ban linisan na katamu king sablang karumihan.

Metung a anak king dalan, ulila, marinat, mabau, inampon de king metung a pamilyang mabandi. Tinanggap yang mabanglung sabon, tuwalya, masanting a paliguan, at malinis a imalan. Pero makananu nung ing anak e ya bisang mandilu o tuknang neng susulud ing lumang imalan na? Inya, ban lungub king kayarian ning banua, kailangan tamung tanggapan ding mapilan a kundisyun. E ya magtagumpe ing ninumang talikpan na ing kasalanan na, oneng ing taung sasabian na at lakuan na iti manakit yang lunus.

Ibili mi ya ining masanting a ebook kening page ayni, na papakit na keka ing step by step ning pamagbayu. Makananu kang mika personal a relasyun king Ibpa mung atyu banua. Ngening aldo, nung damdaman me ing siwala ning Ibpa, e me pasiasan ing pusu mu.

Tandanan mu: nanu ing ulaga ning akwa me ing mabilug a yatu at mawala ya ing kaladwa mu?