Ena lakrint pou Bondie
ek donn li laglwar

Daniela (12): Zame mo finn al lekol, mo bann paran edik mwa lakaz ek mo kontan.

Daniel (43) Mo finn gagn mo diplom dan inzenier mekanik dan Laswis, me etan done kriz ki lemond pe al ver, asterla mo enn planter banann dan Brezil

Betsy (42): Ek mo enn Kretien ek enn fam ek enn mama ere. Enn verse ki inpakte mwa: Ki sans gagn lemond antie e perdi to nam? Ou-soit ki enn dimoune pou donné pou so nâme?

Daniel: An pasan: Mo pa enn manb okenn legliz, finn exklir mwa parski mo ti tro indepandan. Mo finn rod swiv Bondie san depann lor bann lorganizasion imin.

To kone, Bondie ki to finn rezete, li pa vre Bondie, me enn karikatir mal fer lor Li. Satan, diab, ki enn lepok ti enn anz Bondie me ki ti expilse depi lesiel, e ki dominn sa lemonn la, limem ki dres portre Bondie kouma arbitrer ek kriel, ki dir: obeir mwa sinon mo pou roti twa dan dife. Lennmi dibien se seki penn sa zimaz-la. Li ena tor. Se pou koriz sa deformasion-la ki Bondie finn avoy so Garson, pou montre lemond kouma Li ete. Kris finn rasir: Seki finn trouv mwa finn trouv mo Papa Kan li ti dekrir so mision lor later, Zezi ti dir: “Lespri Lesegner lor Mwa, parski Li finn swazir Mwa pou evanzeliz bann pov, Li finn avoy Mwa pou geri bann ki ena leker kase. pou anonse pou liber bann prizonie, pou fer bann aveg trouv kler, ek pou liber bann ki pe soufer.” Sa ti So travay. Li ti al partou ek li ti fer seki bon, li ti geri bann dimounn ki Satan ti pe fer dominer ar zot. Bondie ti telman kontan lemonn ki li ti dispoze pou separ li ar so sel Garson pou enn mision riske: viv lor later pandan 30 an, avek risk ki Zezi osi ti pou tase ar pese, e perdi li pou toultan. Tousala pou ki si plan la marse nou kapav gagn lavi eternel.

Daniel: Kan mo ti ena 17 an, mo ti dir ar momem: Mo krwar ki Bondie existe ek ki Li lamour. Me boukou relizion dan lemond krwar dan enn sertin kalite Bondie. Eski mo kapav vrai-mem ena confiance ki la Bible c’est parole Bondié? Eski mo kapav konstrir mo lavi lor sa fondasion-la? Lerla mo finn dekouver sertin prev ki montre ki Labib se liv Bondie:

> Bann profesi finn realize: Sapit lor stati Daniel 2 finn profetiz siksesion bann lanpir e finn dekrir zot, avan ki zot ti existe. Konpar li avek enn ansiklopedi ouswa enn liv listwar, ek to pou trouve ki Labib ti profetize lor levolision ek tonbe bann lanpir Pers, Lagres ek RomEk ti predir osi kan Lemesi ti pou vini. Sa finn realize exakteman avek Zezi Kris.

> Arkeolozi finn konfirm verasite Labib.

— Bann Roulo Lamer Mor, ki finn ekrir avan Kris. Zot konfirm presizion ek koerans Labib Ebre atraver bann milener. Roulo Izai ki ti ekrir de mil an avan, li preske parey kouma nou ena dan Labib azordi.

— Boukou siantifik ti kwar ki David ti enn mit, ki zame pa finn existe. Ziska ki finn dekouver “Stel Tel Dan”, ki date depi 9em siek avan Zezi-Kri, e ki mansionn “Lakaz David”

— Ros Moabit “Mesha Stele”, depi 840 avan Zezi-Kri, ki finn trouve dan Zourdin. Li rakont bann viktwar ki lerwa Moab ti gagne lor bann Izraelit, ek sa konfirm resi biblik ki trouv dan 2 Lerwa 3. Li fer osi referans ar Bondie Izraelit Zeova ouswa Yau, 840 avan Kris.

— Ek mo ti kapav prezant lezot, kouma ros Pilat, lalis rasion Babilonien ki mansionn nom lerwa Izrael, sitadel David ek tinel Hizkiya.

> Inite text-la. Ekrir par plis ki karant diferan dimounn, dan plizir diferan plas, ek dan diferan moman, sak parti zwenn lezot. Sirman to’nn deza trouv enn Labib avek sa bann referans-la. Labib li enn inite, tou mars ansam, sirtou kan nou etidie avek limilite ek lapriyer.

> Ledikasion siperyer Labib: Bann move dimounn pa ti kapav ekrir Labib, kouma li kondann zot. Ou standar li ot, nob ek exigean. Anmemtan, li pa kasiet bann defo so bann ero. Si li ti enn fab pou gagn bann disip, li ti pou glorifie so bann personaz. Me non, li montre fran-fran defo bann patriark, profet ek lerwa ki pli respekte.

> Ou linflians. Si la Bible ti enn livre imin, jamais li pa ti pou kapav reussi faire seki li’nn reussi faire dan le monde pendant bann siecle ki’nn passé. Li finn ek ankor ena enn linflians benefik, gerizon ek transformater. Bann Zwif, anou onet, zot konsidere kouma bann prosper parski zot swiv bann lalwa Bondie. Lwes zordi devlope parski so bann pei finn adopte bann prinsip biblik lor lazistis ek travay dir.

> Temwagnaz Zezi Kris: Li finn kontinie sit ek konfirm bann Lekritir. “Lekritir pa kapav fel” li finn dir. Mem Zenez li ti konsider kouma enn vre zistwar, ki Bondie ti kre lemonn dan sis zour, deliz, etc. Li finn gid so lavi par bann lansegnman dan Ansien Testaman.

> Ek finalman, temwagnaz lexperyans: Sey tomem vinn enn Kretien, ek to pou trouv pwisans Parol Bondie!

Ou kone, nou telman ere, bann bienfe ki enn Kretien gagne depas bann pert posib. Osi fer lexperyans enn vwayaz avek Kreater. Li dir: Mo finn kontan twa avek enn lamour eternel, akoz sa mo finn atir twa avek bonte. Vinn ver mwa, zot tou ki fatige ek ki ena enn fardo lour, e mo pou repoz zot (Matie 11:28)

Anou respekte sa Bondie lamour-la, ki ofer lobeisans volonter, ek avek tou nou leker. Apre tou, levanzil se pouvwar Bondie pou delivrans. Dan ki kitsoz Bondie anvi sap nou? Depi nou bann pese. Pou tou seki resevwar li, Kris donn pouvwar pou vinn Zanfan Bondie e aret fer pese. Zordi ek aster, si to kwar. Me ki ete pese? Parol Lesegner dir ki pese se transgresion lalwa, se sel definision ki Labib prezant nou. Pese se enn desizion pou dezobeir lalwa. Lalwa Bondie li santre lor dis komannman, premie kat montre kouma nou exprim nou lamour pou Bondie, e deziem latab, lamour pou nou prosin. Apre sa, liv Exode ek Levitik prezant bann instriksion konplemanter, ki ena enn lien avek lavi toulezour ek lasante. C’est enn plaisir pou suive volonté nou Bondié, parski so bann la-loi juste ek bon.

Li koumadir dan trafik: Bann regleman ek restriksion servi nou sekirite. Lareg ki dir ki loto bizin touzour vwayaz lor sa kote larout-la, e aret kot lalimier rouz, se pa bann kapris gouverner, me bann konvansion ki servi nou dibien. Li parey, bann komannman Lesegner zot rezonab ek zot fer sans.

Me nou pa kapav obeir par nou lafors. Sa ti pou pareil coumadir ou envie traverse l’océan Atlantik dan enn bateau a rame. Nou bizin les noumem mor, e les Kris viv e obeir dan mwa. Aster wi, sa pe les Bondie soufle dan nou, e fer nou bato avanse. Ena lakrint pou Bondie e donn Li laglwar. Respekte Lesegner, parski ler so zizman finn arive. Zezi pre pou retourne, so larive pou dan pwisans ek gran laglwar, e tou lizie pou trouv li. Zezi ti dir: kouma zekler sorti depi les e aparet dan lwes, koumsamem pou ete kan Garson Limanite pou vini. Nou lokazion pou gagn li bien se sel lavi ki nou ena, lerla vinn zizman.

Sa polisie ki donn twa tiket pou kondir lor move kote larout normalman pena okenn rankinn personel kont mwa. Li pa pe deklans so koler lor mwa, me li pe aplik lalwa. Li parey, Bondie kontan tou so bann kreatir. Kan li pou tir pese dan lemond, li pou bizin osi eliminn tou dimounn ki atase ar pese.

Nam ki fer pese e ki pa anvi enn sover pou mor. Pese se violasion lalwa. Li pe viol enn bann komannman Lesegner. Zezi pa finn vinn pou sanz lalwa, li finn akonplir li. Zezi finn kas bann reg ki finn invante par bann imin, me pa parol Bondie. Li ti dir: ziska ki lesiel ek later disparet, pa pou disparet enn ti let dan Lalwa, alafin so lavi ti dir: Ena lakrint pou Bondie e gard so bann komannman, parski samem devwar sak dimoun. Parski Bondie pou ziz tou bann aksion, tou seki sekre, ki li bon ou move. (Ekleziast 12:13)

Ena lager ek rimer lager, lavi telman frazil. Kan nou kit sa lavi-la, ki rikord nou pou kit deryer? Bann mor pa gagn enn deziem sans. Parol Lesegner dir: bann vivan kone ki zot pou mor, me bann mor pa konn nanye. Dan tom, kot to pe ale, pena okenn travay, okenn plan, okenn konesans, okenn sazes ditou. Alor, tanki zot vivan, kontan ek respekte Bondie e donn Li laglwar, parski ler zizman finn koumanse.

Adore Bondie ki finn kre lesiel, later, lamer ek bann lasours dilo. Sa fer nou rapel katriem komannman: Rapel zour Saba pou gard li sin. Pandan sis zour to pou travay e fer tou to travay, me setiem zour li enn repo pou to Bondie. Ou pa pou fer okenn travay ladan… Parski dan sis zour Yau finn fer lesiel ek later, lamer ek tou seki ena ladan, e setiem zour li finn repoze, akoz sa Yau finn beni li e finn sanktifie li.

Satan, diab, ti enn lepok enn anz lalimier dan lesiel, me lorgey ek zalouzi ti dominn so leker, e li ti koumans ena laenn pou lalwa Bondie, li ti ena enn laenn pou so bann presep drwat. Li ti pretann ki bann anz pa ti bizin sa lalwa-la. Ek li ti influence enn dimoune bien puissant dan Rome pou modifié enn parmi bann commandement Bondié, dan forme enn provocation. Ziska katriem siek, bann Kretien ti gard Saba, mem zour ki bann Zwif. Zezi limem ti dir: priye pou ki persekision pa arive zour Saba.

Eski ou finn deza panse si dan konpagni kot ou travay enn kout enn group anplwaye desid ki zot anvi ena tou Merkredi lib? Eski sa pa pou enn defi pou lotorite bann direkter?

Alor, lepap ti donn lord pou sanz zour repo depi Samdi, setiem zour, pou vinn Dimans, premie zour lasemenn. Ek li ti servi couma enn pretexte ki Jésus ti ressuscité premier jour. Anplis, pou bann Katolik sa lepok-la, Saba ti fer zot rapel bann Zwif, ki bann dimounn ti deteste. Pandan enn tan, ti gard Samdi ek Dimans kouma bann sin. Me avek letan, Samdi finn gagn enn move regar e finn mal koz lor la, parski li ti enn zour restriksion, e Dimans ti enn zour lazwa, alor premie zour finn vinn popilarite. Sa ti arrivé dan quatrieme siecle. Deziem komannman katekism, ki dir pa fer bann zimaz grave, finn osi retire. Ek pou gard sa bon nomb dis komannman-la, lepap finn diviz diziem komannman an de. Me lalwa Lesegner li parfe, Psom 19 dir, ninport ki sanzman li enn ofans pou lesiel. Lanatir limem santi lefe transgresion lalwa ek bann ki detrir later, Izai dir: Later plore e fletri; lemonn pe afebli ek fletri; zot afebli bann dimounn pli ot lor later. Anfet, pei kontamine akoz so bann abitan, parski zot dezobeir lalwa, sanz lalwa e kas lalians eternel.

Setiem zour, Samdi, se zour Lesegner, meyer zour lasemenn, zour lafami. Mem si nou perdi nou travay, sa pou montre ki nou kontan Bondie avek tou nou leker. Eski ou pou dispoze perdi ou travay pou sov lavi dimounn ki ou pli kontan isi lor Later?

Nou Kreater dir: Mem si enn mama bliye zanfan ki li kontan, mwa mo pa pou bliye twa (Izai 49:15). Kouma mo kapav pa kontan enn Bondie koumsa?

Kan ou rann ou ar sa lamour-la, kan ou “mem” kase an repons a sa lamour-la, e ou koumans donn lobeisans volonter, ou kapav pirifie depi ou bann pese, batize par imersion. Li sinboliz lamor pou lemond, ek akseptasion lavi ki Papa-la done. Li’nn kree sa bann lasours delo-la pou lav nou ar tou inpirte.

Enn zanfan lari, orfelen, sal, santi move, finn adopte dan enn fami ris. Li ti gagn enn savon parfime, enn serviet, enn bon ben, ek bann linz prop. Me ki pou arive si zanfan-la refiz pran enn ben ouswa aret met so bann vie linz? Alor, pou rant dan rwayom lesiel, nou bizin aksepte sertin kondision. Seki kasiet so bann fot zame pou prospere, me seki konfes e abandonn zot fot pou gagn mizerikord.

Nou kit sa zoli ebook-la lor sa paz-la, ki montre ou etap par etap dan konversion-la. Couma pou ena enn relation personnel avek ou Papa ki dan le ciel. Zordi, si to tann lavwa Papa, pa fer to leker vinn dir.

Rapel: ki sans gagn lemond antie e perdi to nam?