Ibuyxim cuy Deus epejukuk

io’e ya’õberen um cĩcãat

“Deus soat podi ma ya’õbaca,” i juy epe’e’e — io’e. G̃axĩn ma ixe Deus ideida soat pe apẽn ipi dag̃ pima juk adi oekuku ip iaptei — io’e. Xipacat je’g̃ũm xipacayũ be. Ipiat supi’ajoat ikẽrẽat mujurũg̃rũg̃’ukayũ be bit — io’e. “Warara’acat podi ma ẽn xipat,” i juy epe’e Deus pe — io’e. Ixe Deus kabi o’g̃ujurũg̃, ipi dak — io’e. Tibog̃ cĩcãati dak o’timujurũg̃ — io’e. Idi’a dak o’ti’amujurũg̃ — io’e.